Ata wayen ɣef
msefhamen wid yekkin di temlilit-a d wabuḍ iɣef nezmer a nebnu asenfar
amadsiman:
1/ Iqbayliyen
mmugen d yiwen weɣref yezdin s tmeslayt-ines, azalen-ines, tuddsa n
tmetti-ines, amezruy-ines, leɛwayed-ines, tamurt-ines d wakal-ines.
2/ Aɣref aqbayli ɣur-s azref ad iseddu tilufa-ines s yiman-is, ladɣa tid
yeɛnan tameddurt-is.
3/ Iqbayliyen ɣur-sen izuraz iliyen, imezrayen, idelsanen lqayen d
watmaten-nsen nniḍen idzayriyen. Bɣan ad idiren yid-sen di tegmat, ad
ttemqadaren, yal wa s wemyirred-ines.
4/ Amezruy umennuɣ n tmurt taqbaylit yesskanay-d belli ulac tifrat ma
neqqim deg uwanek adzayri akken yella assa, imi yebna ɣef tesnakta
taɛrabt-tineslemt d tin d-yeǧǧa uwanek amharsan. Am wakken neẓra,
tigi ur ssinent, ur qebblent amyirred.
5/ Udem aserti ideg yezmer aɣref aqbayli ad yesselḥu tilufa-ines s
yiman-is d Tadsimant Taẓiyant. Akken kan i yezmer ad
yedder, deg yiwen uwanek adzayri amaynut.
6/ S tedsimant taẓiyant ara yessali weɣref aqbayli yiwet n tmetti ara
ibedden ɣef iẓuran-is, ɣef tmaziɣt, yernu ad tili teldi i wiyaḍ, ɣef
wiyaḍ.
